Fréttir

Staða kennara á blásturshljóðfæri er laus til umsóknar fyrir næsta skólaár. Smellið á fyrirsögnina til að fá nánari upplýsingar.

Við minnum á að vetrarfrí tónlistarskólans fer fram dagana 4. - 6. mars og er því engin kennsla þá daga. Skrifstofan verður einnig lokuð 6. mars en hægt er að hafa samband á netfanginu tonhun@tonhun.is ef eitthvað er.

Nú fara fram framkvæmdir á eftri hæð í skólahúsnæði okkar á Blönduósi. Við biðjumst velvirðingar á þeim óþægindum sem það kann að valda. Við hlökkum mikið til þegar þeim er lokið því þær verða án efa til mikilla bóta fyrir nemendur og kennara.

Við höfum nú skipt um netfang og er það tonhun@tonhun.is. Það eldra verður einnig virkt til að byrja með en við biðjum ykkur um að beina samskiptum ykkar á það nýja.

Kæru nemendur og fjölskyldur. Við óskum ykkur gleðilegrar jólahátíðar. Við hefjum aftur kennslu fimmtudaginn 3. janúar 2019. Jólakveðja starfsfólk Tónlistarskóla A-Hún.

Þessa dagana erum við svo heppin að hafa gestakennara í heimsókn á Skagaströnd. Hún Ingeborg Knosen kemur alla leið frá Noregi og er söng- og leikkona. Hún leiðbeinir söngnemendum og hefur verið gaman að fylgjast með því sem hún hefur fram að færa í kennslunni.

Dagana 12. - 16. nóvember verður opin vika í tónlistarskólanum. Foreldrar og forráðamenn eru velkomin í spilatíma barnanna sinna til að fylgjast með og ræða við kennara. Vonumst til að sem flestir nýti tækifærið og kíki í heimsókn til okkar.

Leifur Magnússon píanóstillingamaður verður á ferðinni um Austur-Húnavatnssýslu á næstu dögum. Þeir sem vilja panta hjá honum stillingu eru beðnir um að senda sem fyrst póst á pianostillingar@gmail.com eða hringja í síma 898-8027.

Höfðaskóli, Hólaneskirkja og Tónlistarskóli A-Hún hafa tekið höndum saman og stofnað Barnakór Skagastrandar. Öll börn í 1.-7. bekk á svæðinu eru velkomin að skrá sig. Kóræfingar verða alla fimmtudaga kl. 16:00 til 17:30 í Hólaneskirkju og er kórstjórn í höndum Ástrósar Elísdóttur.