Gjöf til skólans

Silla og Hlynur afhenda skólastjóra gjöfina.

Í dag komu hjónin Silla og Hlynur færandi hendi þegar þau afhentu skólanum klarinett að gjöf. Með gjöfinni segir :

,,Við undirrituð höfum ákveðið að færa Tónlistarskólanum klarinett að gjöf til minningar um Hönnu Lísu barnabarn okkar f: 15.09.1997 d: 13.07.2015. Hanna Lísa stundaði nám við skólann og lærði m.a. á blokkflautu, píanó, gítar og seinast á klarinett. Það hljóðfæri heillaði hana mest. Um leið langar okkur að þakka skólanum og starfsmönnum hans frábært starf í þágu tónlistarmenningar í héraðinu. Sigurlaug Þóra Hermannsdóttir og Hlynur Tryggvason”.

Við þökkum hjónunum kærlega fyrir fallega og höfðinglega gjöf. Minningin um yndislega stelpu og frábæran nemanda lifir í hjörtum okkar.